اجتماع هام

بسم الله الرحمن الرحيم

فى بداية الاجتماع احب اشكر اجمل اخوات فى الدنيا عشان رجعوا يتجمعوا تانى زى زمان

و الله زمان

و احب اتاسف كمان على عدم المشاركه كتير بس هاتعرفوا السبب دلوقتى

*********

كانت خطوة جريئة أننا نفكر نعمل منتدى بالمواصفات اللى احنا بنحلم بيها

لكن المفاجأة أنها كانت سهله فوق ما نتصور

ولو اعتبرنا ان الفكرة ناجحه حتى الآن

يبقى من حقنا نحلم حلم اكبر ، مدام ممكن

*********

عيوب النظام الحالى

اولا : اختلاف النظام عما كنا متعودين بسبب عدم وجود ستايل vb اللى اتعودنا عليه

ثانيا : كثرة الاعلانات اللى فيه بعضها مزعج جدا

ثالثا : تقل المنتدى بشكل ممل

رابعا : طول عنوان السايت و غرابته

خامسا : عدم وجود بروفايلات خاصه

**********

مميزاته

اولا : وجود شات بوكس

ثانيا : التجديد فى الاقسام بحسب احتياج الاعضاء

ثالثا : لمتنا مع بعض من تانى ، و اقتصار العضوية علينا احنا و اصحابنا بس

**********

و لذلك انا عاكف اليومين دول على بناء سايت جديد

يبقى فيه نفس المميزات من غير العيوب

و ده مش هايتحقق غير بمنتدى خاص ، بمساحه خاصه ، دومين خاص ، vb ، من غير اعلانات

و قريب جدا هايبقى عندنا

www.stancova.com

بس هايكون فكرته احلى كمان

( مفاجأة )

و بردو هايكون خاص بينا احنا بس

و احنا تمشل : اعضاء شقاوة ، اصحابنا المشتركين ، او أى حد تقترح علينا صداقته و تكون بتثق فيه انه يكون فرد من مجتمعنا

***********

ماتنزعجوش اذا كان المنتدى غير نشط بمقاييس المنتديات التانيه

لان احنا مختلفين عن باقى المنتديات

حتى لو اقتصرت المشاركه على صندوق الشات

مش مهم عدد المشاركات او المواضيع

كمان لازم نستخدم المنتدى بأكبر قدر من الحرية مدام متوافر فيه اقصى درجات الخصوصية

سواء فى ابداء اراء او طرح افكار او حتى صورنا الشخصيه لو حد حابب ده

ممكن كمان تكون موجود باسمك الحقيقى او بشخصيتك العاديه بمنتهى الحرية

************

رجاء بلاش حد يقول ( المنتدى بتاع محمود )

او يباركلى عليه

عشان ده مش بتاعى ده بتاعنا كلنا

و اللى يبارك يبارك لينا كلنا

لان غير كده بيبوظ فرحتى بلمتنا

************

المنتدى ده او غيرة اللى لسه هايتعمل ليس بديل لشقاوة ، و مش الغرض منه جذب اعضاء شقاوة النشطين زى ما ممكن حد يفهم غلط كده

لان مافيش مجال للمقارنه بين شقى و بين اى حاجه تانيه

************

شكرا

يا ريت اسمع آرائكوا و مقترحاتكوا

فى الانتظار