ربنا يخليك ليا يا ابن بلدي ... و مش يحرمني من ظلمك ليا

بسم الله الرحمن الرحيم

الما ياسمين بعتت ليا الرابط بتاع المنتدي...فرحت اوي انو لقينا مكان يجمعنا تاني .. لانو بجد حاسة في منتدي شقاوة حاجة مختلفة عن باقي المنتديات

لاننا بجد اسرة وحدة... كلنا قريبين من بعض و ده اللي بيميزنا عن اي منتدي تانى .. علشان كده قررت اناقش مشكلة في بلدي انا "فلسطين" مع انو

يغلب علي المنتدي الطابع المصري.. هبدأ الموضوع بحوار صغير حصل بين بابا و راجل في سوبر ماركت

بابا: بكام المعلبات هاي؟
الراجل:بـ6شيكل
بابا : شوو ؟ مش كانت بـ2.5 .. لاء مكتوب عليها مساعدات قطرية
الراجل: و الله واحد من حماس امبارح و باعني اياها بنفس السعر
بابا : و الله حلو كمان المساعدات اللي بتيجي في هالوضع بدل ما تتوزع بتنباع و باسعار اغلي
الراجل: شو بدنا نعمل يا ابو محمد .. بتهون...ربنا كبير عليهم
ا

اكيد الحوار كافي وواضح..بكل بساطة بما ان حماس هي حكومة الامر و النهي في القطاع ... بعد ما تشحت ع الشعب و توصل المساعدات مش

بتتوزع ع الناس .. قبل ما توصل بيبقوا متفقين مع التجار يدفعوا فلوس و ياخدوا الحاجات اللي بتوصل و حماس بتاخد الفلوس .. بعد ما اتكشفت الحكاية

دي الحل جاهز و فوي "بنشتري اسلحة للمقاومة" اسلحة ايه .. و ايران بتمدهم بالاسلحة و ببلاش غير انو اخدوا اسلحة السلطة كلها.. باختصار مفيش
ا
اكل علشان تاكل لازم تدفع السعر مضاعف.. او تكون حمساوي مسؤول او تعرف حد مسؤول هتاكل ببلاش ..!!

ده اولا.. ثانيا : انت فتحاوي ممنوع تخرج من بيتك و الا هتتعاقب ميدانيا.. و العقاب المتداول عليه اعاقة في الرجلين او طلقة في راسك .. ده علي

الفتحاوية بس اما الشعب بصفة عامة اول ما تبقي الساعة 6 حظر تجول ممنوع تخرج من بيتك لو هتموت ما تخرجش و الا هتتعاقب ميدانيا علشان

السجون بتاعتهم اتقصفت و الحمد لله ... قبل يومين حصل قصف في منطقة قريبة وواحد من اللي ممنوع يخرج خرج يشوف حصل ايه لانو القصف

كان قريب جدا من بيته .. جت التنفيذية تابعة لحماس عاوزة تعاقبه طبعا لانو عمل حاجة منكر انو خرج يطمن علي جيرانه يشوف حصل ايه ... ابوه

و مراته و اولاده قعدوا يدافعوا عنه النهاية الراجل الكبير في السن ضربوه رصاصه في دماغه و مات..مراته و عياله في المستشفي..

اه و نسيت انت شهيد تابع لفتح ممنوع تدخل المسجد و يتصلي عليك شفلك حتة تانية .. علشان حماس حررت المساجد الحمد لله و حطوا عليها الراية

الخضراء و بقيت ملكية خاصة و الامام اللي يقول ده حرام ما يصحش لازم يموت ده يعتبر ملحد و علماني ..

بعدين يجي ابو العبد "هنية " حفظه الله سادس الخلفاء الراشدين (حماس كده مسمياه) نحن سنقاوم و لن تقتل عزيمتنا اليهود... بتقاوم منين و انت

مستخبي تحت الارض .. هما بيضربوا و بيستخبوا و الشعب بيدفع الثمن .. احنا مش ضد المقاومة احنا طول عمرنا بنقاوم بس عمرنا ما وصلنا للحد

ده ... تروح مدرسة الناس بعد ما اتقصفت بيوتهم لجأوا اليها من غير و لا حاجة و تضرب صاروخ كأنك بتقول لليهود اهو احنا هنا بنضرب و النهاية

56 شهيد مدني من المدرسة اللي دمرت بس الحمد لله المقاومة الحمساوية ضربوا و هربوا و مفيش فيهم اصابات ...
هقول ايه و لا ايه ... علي راي الشعب حسبنا الله و نعم الوكيل .. ربنا كبير

اجويا اذا احنا اتفجأنا فيها ... في الاول ايام الانتخابات كانت ظاهرة بصورة الاصلاح و التغيير و لا تفاوض مع اليهود و سنحرر القدس و مش عارفة

ايه بعد ما قعدت علي الكرسي بقيت تعرف تفاوض و تعمل هدنة وقت ما تحب و تلغي الهدنة وقت ما تحب مش ماخدة في اعتبارها ممكن يحصلنا ايه

مش مهم يموت منا كام حتي لو ابادوا غزة بحالها المهم تحقق اغراضها و علي فكرة اللي عملته ده بس لغرض واحد تجبر الحكام علي فتح المعابر و تبدا

تدخل اللي عاوزاه علشان الانفاق بتاعتها مهددة ... غير كده هيا تكسب تأييد عالمي و هتزيد رصيدها المالي و طز في الشعب يموت يجي غيره...

و بالنسبة للاقتباس انتي تقدري تاخدي الكلام كله ... انا كنت عاوزة اعمل كده عاوزة الناس كلها تعرف الحقيقة لانو بجد لو مش حصل كده انا هموت

معرفش اسكت ع الغلط خالصو نفس العالم كله يعرف الحقيقة ... كفاية بتشحت علينا منها لله فضحتنا و احنا عمرنا ما طلبنا من حد حاجة .. نموت من

الجوع و لا نذل نفسنا للسؤال ...

و ما تخافيش انا كويسة و كلنا بخير الحمد لله ... تعرفي انا مش خايفة و بحاول اعيش حياتي عادي و بفضل اقول لاهلي (قل لن يصيبوكم الا ما كتب

الله لكم ) مفيش داعي للخوف و القلق لانو مش هيقدم و لا يأخر في حياتنا حاجة و الله لو نعمل ايه و ربنا كتب لينا حاجة لازم نشوفها...

ميرسي ليكي يا قمر ع السؤال و معلش طولت عليكي ..